شروط لازم تكون موجوده في اي سوبر ماركت ناجح | Egy Freeze ثلاجات عرض تجهيزات سوبر ماركت ارفف محلات

شروط لازم تكون موجوده في اي سوبر ماركت ناجح

شروط لازم تكون موجوده في اي سوبر ماركت ناجح

شروط لازم تكون موجوده في اي سوبر ماركت ناجح

1 لازم توفر كل الأصناف والرف مليان عالاخر

2 تكون إضاءة المحل عالية وتكون النقاشة بيضا هي والسيراميك ميكونش كئيب يكون منور من كل حتة

3 ميكونش عالي بسلالم ولا واطي تحت سطح الأرض

4 يكون صاحبه والعاملين قمة الادب والاخلاق والتواضع

5 يكون عنده خدمه توصيل طلبات للمنازل

6 عنده تلاجات كتيرررر ومرصوصة صح خصوصا تلاجات العصاير والمشروبات الغازية

7 يشتري منتج غالي ونضيف وبردو منتج رخيص لان كل صنف له زبونه

8 راس المال لازم يكون مش اقل من 80٪ من البضاعه اللي فالمحل و 20٪ اجل وليس العكس

9 اختيار المكان في منطقه سكنيه

10 ميبقاش اللي شغالين فالمحل يحبوا الكلام الكتير مع الزبون والضحك والهزار هيضحك ويهزر وبعدين مش هيجي تاني

11 الزبون يحب يدخل يتفرج ويختار براحته ميلاقيش واحد لازق قي افاه محسسه انه هيسرق هيمشي ومش هيجي تاني

12 لازم التركيز علي تلاجة الاجبان وتكون مترتبة ونضيفه والازاز ممسوح بشكل دوري

13 صنايعي التلاجة ممكن يكسبك وممكن يخسرك فأختار صنايعي كويس

14 خلي شخص واحد فقط له مواعيد معينة يتعامل مع مناديب الشركات

15 الربع والنص والفكة ممكن تخرب بيتك فحاول تاخدها بشكل مهذب

16 ميكونش البضاعه زي التونة والماكريل والمربي مرصوصة فوق بعض بشكل يصعب علي الزبون اخراجها من الرف السلاسة حلوة والزبون بيستسهل

17 85٪ من المبيعات بتكون صدفة .. مثلا الزبون رايح يجيب ازازة زيت بيشوف شيبسي مرصوص كويس يشتريه تلاجة البيبسي مترتبة ياخد بيبسي وهكذا

18 لازم تهتم بالرف اللي ورا الكاشير ميبقاش عبارة عن صندوق مهملات وكل حاجه مرمية ف حته

19 اليافطة وواجهة المحل لهم عامل كبير

20 ممكن بضاعه مرصوصة بشكل حلو جدا بس العميل مش عارف يختار او يطلع الصنف اللي هو محتاجه متخليش المنتح تحت خالص او فوق خليه في مستوي نظر العميل

21 اي منتج خاص بالأطفال زي العاب أو غيره يكون لتحت في مستوي نظر الطفل علشان يشوفها

22 النظافه النظافه النظافه23 مكسبك بيكون وانت بتشتري البضاعه من الشركات مش وانت بتبيع يعني كل ما تنزل بخصومات حلوه هتعرف تبيع احسن

شارك هذا المقال

ابدأ الكتابة واضغط على Enter للبحث

سلة المشتريات

لا توجد منتجات في سلة المشتريات.

Call Now Buttonاضغط هنا لتتصل بنا